Condicións para a presentación (conta de correo)

Recordade que a presentación debe ocupar un tempo entre 4 e 5min. O número de diapositivas dependerá da cantidade de texto que poñamos e do tempo de transición entre diapositivas así como dos efectos que incluades para os distintos elementos que introduzades.
Puntos que debería incluír (na parte de Vigo):

1. Localización xeográfica da nosa cidade (Buscar se atopades un vídeo panorámico da cidade)


2. Datos xerais (en principio só unha diapositiva, para no poñer moito "rollo"): pobación, sectores nos que traballa esta, equipos deportivos destacados, lingua, clima...


3. BREVE historia da cidade


4. Lugares de interés turístico: parques, prazas destacadas, recunchos con encanto, outros...


5. Arredores de Vigo (sobre todo a nivel paisaxístico)


6. Ocio en Vigo (tendas, saír en Vigo, actividades "alternativas", sitios "diferentes"...)

Quizáis o prazo ata o venres é algo escaso, así que podemos amplialo un poco máis se o precisades.

Pode que precisemos case toda a semana para facer a parte da cidade (recordade que ten que te o texto en inglés, incluír son, efectos de animación... E unha estructura ordenada. Todo iso levaravos certo tempo). O venres pode ser a data tope e adicarlo ademais a facer as fotografía do insti para dedicarlle un par de días máis da próxima semana para incluír esta parte.

Por tanto. DATA LÍMITE PARA ENTREGAR A PARTE DE VIGO: VENRES 3 (OU OS QUE O REMATES EN CASA, DOMINGO 5 ÁS 00:00H). Ese parte non deberá ocupar máis de 3min.

DIRECCIÓN DE CORREO: anxinhos80@gmail.com

PRIMEIRA ACTIVIDADE

Parece que as cousas se van organizando...crucemos os dedos...
Así que é o momento de comezar a traballar.
En breve van vir de visita os primeiros estudantes do programa Comenius no que estamos a participar. PRECISAMOS DA VOSA COLABORACIÓN!
É preciso crear unha presentación (en principio en Power Point) sobre a cidade de Vigo e o IES do Castro para mostrarlla ós nosos convidados á súa chegada. Teredes que pensar ben que imaxes/lugares son significativas (reflexos da nosa idiosincrasia, sitios especiais...) que estas teñan unha calidade aceptable, designalas convenientemente, incluír uns efectos atractivos, arquivos de son, texto (pouco, pero o necesario... Por certo, terá que estar en inglés). E todo o que se vos vaia ocorrendo.
Tedes de prazo ata o venres desta semana, salvo que alguén o queira rematar na casa que nese caso poderá enviarmo ata o domingo á noite.
Un bo traductor on line é www.wordreference.com
A TRABALLAR!

Normas básicas ó entregar os documentos de Word

AQUÍ QUEDAN OS PUNTOS QUE HOXE COMENTAMOS

- Deberán ter sempre un encabezado e un pé de páxina
No encabezado deberá poñer “TIC 1º BACH … + TÍTULO DO TRABALLO”
No pé deberá aparecer o nome do autor e a data final (inserila o último día)
- Deberá estar sempre paxinado
- Uso de títulos se é requirido (en caso de usalos é obrigatorio poñer un índice ó comezo do documento que se xera AUTOMATICAMENTE se os títulos están ben definidos)
- Texto deberá estar xustificado
- Tamaño de letra e formato apropiado (o texto normal, tamaño 12). Interliñado 1,5
- Entre diferentes parágrafos haberá que engadir unha separación lixeiramente superior (anterior: 6 puntos; posterior: 6 puntos) e sangría na primeira liña.
- En caso de ser necesario haberá que empregar correctamente: táboas, columnas, inserir imaxes, gráficos, autoformas, diferentes seccións...

DESCULPAS POLO "DESORDENADO" COMEZO DE CURSO

Ola de novo!
Levamos dous días de teóricas clases e o certo é que é un feito que estas foron cando menos caóticas, e o de chamarlle clases é un tanto optimista.
De veras o sinto e pídovos desculpas, pero son causas alleas a min. Organizar un instituto de case 700 persoas non resulta sinxelo e "cuadrar" os horarios de máis de 60 profes e non sei cantos grupos tampouco.

Como vos dicía hoxe, esta asignatura é nova e eu teño todas as miñas ganas de facelo o mellor posible e tentarei adicarlle todo o tempo que poida. Pero quería repetirvos a miña solicitude de colaboración e paciencia pola vosa parte.
Confío en que poida ser unha materia entretida, relaxada e na que aprendamos cousas útiles.
Ata o próximo día.

ORGANIZACIÓN

Aínda que sobre a marcha iremos optimizando o modo de traballar hai unha serie de normas básicas (a parte do creaciónd a carpeta e a publicación do blog).

- Cando se especifiquen as condicións de calquera tipo de documento haberá que cumplilas todas elas para que o traballo sexa considerado como válido
- "Cortar e pegar" NUNCA é sinónimo de "crear coñecemento" ou facer un traballo "persoal, orixinal e crítico", polo tanto NON SE ADMITE
- A orixinalidade, a corrección, a crítica persoal, a creación propia... son moito máis importantes que a extensión ou a recolección de múltiples datos inconexos
- Os prazos límites de entrega dos traballos serán amplos e estarán colgados neste blog, pero INAMOVIBLES. Non ser corrixirá ningún traballo recibido fóra de prazo.
- Todo o que vaiamos facendo na clase e os exercicios que se vaian pedindo estarán recollidos neste blog coa maior brevedade posible, para que o poidas consultar cando queirades.
- Isto NON é un CIBER nin o lugar de contestar correos de colegas e coñecidos.

IMPRESCINDIBLE

As seguintes condicións son requiridas para poder comezar as clases

• Posuír unha conta de correo electrónico cada persoa (traballeremos nun ordenador cada un). Ímola crear en gmail. Deberá ter un nome coa seguinte estructura nome.primeiroapelido.TIC@gmail.com
• Saber enviar e descargar arquivos adxuntos no correo electrónico (enviándoos comprimidos en caso de que sexa necesario)
• Saber descargar un programa ou aplicación e instalalo

Para gardar os traballos que vaiamos facendo ó longo do curso haberá que crear unha carpeta co nome "TIC_1BACx_NomeApelido"que se gardará en C:\

• Creación dun blog en blogger (indicaranse os pasos a seguir)que se irá actualizando ó longo de todo o curso e que formará parte da nota

Aínda que non é imprescindible é RECOMENDABLE traer un pendrive para gardar os material cada sesión xa que sempre existe a posibilidade de que nos borren o contido da carpeta do PC.

¿QUE SE AGOCHA BAIXO ESTAS TRES LETRAS ("TIC")?

Saúdos a todos!
Hoxe comezamos o curso e comeza a nosa andaina polo mundo das TIC.
As TIC, ese termo que cada vez se oe máis, pero que moi poucas persoas teñen claro que inclúe.
Tentaremos, ó longo de todo o curso, descubrir o extenso campo que abarca esta breve palabra.
Pero para isto preciso da axuda de TODOS vós.
Son requisito imprescindibles a paciencia, a curiosidade, as ganas de traballar en serio, de crear materiais orixinais, o respecto cara ás opinións de todos e as suxerencias á profesora para que poidamos encamiñar as horas cara a aquelas cousas que máis nos interesen.
Se vos falta algún destes requisitos a primeira tarefa do curso será atopalo.